Elon Musk ashtakiwa na mpenzi wake wa zamani kuhusu haki ya malezi

 

Grimes  mpenzi wa zamani wa Elon Musk amewasilisha ombi la kisheria kuhusu haki za kuwalea watoto watatu ambao amezaa pamoja nae.

Rekodi za mahakama zinaonyesha kwamba Grimes, ambaye jina lake kisheria ni Claire Boucher, aliwasilisha ombi “la malezi ya watoto” mnamo 29 Septemba.

Grimes, mwenye umri wa miaka 35, awali alimshutumu Bw Musk kwa kumfungia kumuona mwanawe mmoja, ujumbe ambao sasa umefutwa kwenye mtandao wa kijamii.

Bw Musk mwenye umri wa miaka 52 ana takriban watoto 11 na wanawake watatu tofauti.

Maelezo ya ombi hilo lililowasilishwa kwa Mahakama ya Juu Zaidi ya San Francisco, hayapatikani hadharani.

Grimes na Musk wana watoto watatu: X Æ A-1, anayejulikana kama X, ambaye alizaliwa Mei 2020, na binti anayeitwa Exa Dark Sideræl – anayejulikana kama Y – ambaye alipatikana kwa njia ya mtoto kuzaliwa na mwanamke mwingine mnamo Desemba 2021.

Mtoto wa tatu, mvulana anayeitwa Techno Mechanicus, au Tau, alizaliwa Juni mwaka jana na ambaye kuzaliwa kwake kulifichuliwa hivi majuzi katika wasifu wa Bw Musk ulioandikwa na mwanahabari Walter Isaacson.

Katika ujumbe uliofutwa tangu mwezi uliopita, Grimes – ambaye Bw Musk alikuwa naye uhusiano wa mara kwa mara kutoka 2018 hadi 2021 – aliandika kwamba “niruhusu nionane na mwanangu au tafadhali mjibu wakili wangu”.

 

Ujumbe huo uliripotiwa kujibu picha iliyowekwa na Bw Isaacson ya mapacha ambao Bw Musk alizaa na mtendaji mkuu Shivon Zilis.